சென்னை:தமிழ்நாடு மின்சார வாரியத்திற்கு கன்வேயர் பெல்ட் உள்ளிட்ட முக்கிய உபகரணங்களை சப்ளை செய்யக்கூடிய ராதா இன்ஜினியரிங் மற்றும் அதனுடைய கிளை நிறுவனங்கள் என தமிழகத்தில் 40க்கும் மேற்பட்ட இடங்களில் காலை முதல் வருமான வரித்துறை அதிகாரிகள் சோதனை மேற்கொண்டு வருகின்றனர்.
அதன் ஒரு பகுதியாக சென்னை அண்ணா சாலையில் இருக்கக்கூடிய மின்வாரிய தலைமை அலுவலகத்தில் நிதி கட்டுப்பாட்டாளராக பணியாற்றும் காசி என்பவரது வீட்டில் வருமான வரித்துறை அதிகாரிகள் சோதனை மேற்கொண்டு வருகின்றனர். தேனாம்பேட்டையில் உள்ள அவரது இல்லத்தில், பத்திற்கும் மேற்பட்ட வருமான வரித்துறை அதிகாரிகள் இன்று (செப்.20) சோதனை நடத்தி வருகின்றனர்.
சோதனையில் போது கூடுதல் பாதுகாப்பிற்காக துப்பாக்கி ஏந்திய பாதுகாப்பு படைகளின் காவலில் மின்சார ஊழியரான காசியின் வீட்டின் வருமான வரித்துறை அதிகாரிகளின் தீவிர சோதனையில் ஈடுபட்டுள்ளனர். கடந்த சில மாதங்களுக்கு முன்பாக சட்டவிரோத பணப்பரிமாற்ற தடைச் சட்டத்தின் கீழ் அமலாக்கத் துறையால் கைது செய்யப்பட்ட செந்தில் பாலாஜி, மின்சாரத்துறை அமைச்சராக பணியாற்றிய போது, அமைச்சர் செந்தில் பாலாஜியுடன் இருந்த நெருங்கிய நபர்களில் காசியும் ஒருவர் என விசாரணையில் தெரிய வந்தது.