ஐஐடி மாணவி பாத்திமா லத்திப்பின் மரணம் தொடர்பாக காவல் ஆணையர் அலுவலகத்தில் இயங்கி வரும் மத்திய குற்றப்பிரிவு அலுவலகத்தில் கூடுதல் ஆணையர் ஈஸ்வரமூர்த்தி மூன்று மணி நேரமாக தந்தை அப்துல் லத்திப், அவரது மகள் ஆயிஷா ஆகியோரிடம் தீவிர விசாரணை நடத்தினர்.
விசாரணைக்குப் பின்னர் செய்தியாளர்களிடம் பேசிய அப்துல் லத்திப், "விசாரணையின் போது பாத்திமா லத்திப்பின் லேப்டாப் மற்றும் டேப் ஆகியவற்றை சமர்ப்பித்தேன். அதில் பாஸ்வோர்ட போடப்பட்டுள்ளது. அவைகளை அன்லாக் செய்து, ஆய்வு செய்வதற்காக தடயவியல் துறையிடம் ஒப்படைத்துள்ளோம்.
மத்திய குற்றப்பிரிவு கேரளாவில் உள்ள பாத்திமா லத்திப்பின் தாயிடம் விசாரணை நடத்த திட்டமிட்டுள்ளது. தனது மகளின் தற்கொலைக்கு காரணமாக எவரேனும் இருப்பின் அவர்களுக்கு தகுந்த தண்டனை பெற்று தருவதாகவும் கூடுதல் ஆணையர் நம்பிக்கை தெரிவித்துள்ளார்.