தமிழ்நாட்டில் கடந்த ஒருவார காலமாக கரோனா பாதிப்பு அதிகரித்துக் கொண்டிருப்பதால் முகக்கவசம் அணியாதவர்களுக்கு அபராதம் விதிக்க மாவட்ட ஆட்சியர் கதிரவன் உத்தரவிட்டுள்ளார். கரோனாவால் பாதிக்கப்பட்டு சிகிச்சையில் உள்ளவர்களின் வீடுகள், தெருக்களை தடுப்புகள் அடைத்து தனிமைப்படுத்தும் நடவடிக்கையும் எடுக்கப்படுகிறது.
இந்நிலையில் இன்று (ஏப்.9) முகக்கவசம் அணியாமல் நடந்து சென்றோர், அரசு, தனியார் பேருந்துகளில் முகக்கவசமின்றி பயணித்தோர் ஆகியோர் மீது ரூ. 200 அபராதம் விதிக்கப்பட்டது.