சென்னை அயனாவரம் பகுதியைச் சேர்ந்தவர் கிருபாகரன் (60). இவர் தெற்கு ரயில்வேயில் ஊழியராகப் பணிபுரிந்து ஓய்வு பெற்றுள்ளார். 2010ஆம் ஆண்டு இவருடன் தெற்கு ரயில்வேயில் சீனியர் டெக்னீசியனாக பணியாற்றிய கமலநாதன் (56) என்பவரிடம் குடும்ப செலவுக்காக 3 லட்சம் ரூபாய் கடன் வாங்கியுள்ளார்.
கமலநாதன் அவரது மனைவி அமுல் இருவரும் கிருபாகரனின் வீட்டிற்கு வந்து, 30 ஆயிரம் வட்டியை எடுத்துக்கொண்டு 2 லட்சத்து 70 ஆயிரம் ரூபாய் கடனாக கொடுத்துள்ளனர். கிருபாகரனிடம் இருந்து கையொப்பமிட்ட 15 காசோலைகள், ஏடிஎம் கார்டு ஆகியவற்றை பெற்றுக்கொண்டு மாதந்தோறும் வட்டித் தொகையை ஏடிஎம் கார்டு மூலம் எடுத்துக்கொள்வதாக கமலநாதன் கூறியுள்ளார்.
பின்னர் மாதந்தோறும் 8 வருடமாக வட்டித் தொகையை ஏடிஎம் கார்டு மூலம் கமலநாதன் பெற்றுவந்துள்ளார். இந்நிலையில், கடந்த மாதம் கிருபாகரன் ரயில்வே துறையில் இருந்து ஓய்வு பெற்றதால் ஓய்வூதிய தொகையாக 11 லட்சம் ரூபாய் வந்துள்ளது. இதனால் கமலநாதனிடம் இருந்து கடனாக பெற்ற 3 லட்ச ரூபாயை கிருபாகரன் கொடுத்துள்ளார்.
பணம் கொடுத்துவிட்ட காரணத்தால் தனது ஏடிஎம் கார்டு, காசோலையை திருப்பித் தருமாறு கமலநாதனிடம் கிருபாகரன் கேட்டுள்ளார். ஆனால், கமலநாதன் காசோலையைப் பயன்படுத்தி கிருபாகரன் வங்கிக் கணக்கில் அவருடைய மகளின் திருமண செலவுக்காக வைத்திருந்த 8 லட்சம் ரூபாயை எடுத்துள்ளார். இதனால் அதிர்ச்சியடைந்த கிருபாகரன் இது தொடர்பாக கமலநாதனிடம் கேட்டபோது அவர் கொலை மிரட்டல் விடுத்துள்ளார்.
கைது செய்யப்பட்டுள்ள கமலநாதன் இதையடுத்து அயனாவரம் காவல் நிலையத்தில் கமலநாதன் மீது கிருபாகரன் புகார் அளித்தார். அதிக கந்து வட்டி பெற்ற காரணத்திற்காக கமலநாதனை காவல் துறையினர் கைது செய்து நீதிமன்றக் காவலில் அடைக்கப்பட்டார்.இதனிடையே தனக்கும், தலைமறைவாக உள்ள தனது மனைவிக்கும் ஜாமின் வழங்கக்கோரி கமலநாதன் சென்னை உயர் நீதிமன்றத்தை நாடியபோது, 11 லட்சத்து, 50 ஆயிரம் ரூபாயை கிருபாகரனின் வங்கிக் கணக்கில் செலுத்தினால் மட்முமே ஜாமின் வழங்குவதாக சென்னை நீதிமன்றம் உத்தரவிட்டுள்ளது.
இதையும் படிங்க: கடனுக்கு வட்டி கட்டாத உணவக அதிபர் - ஆட்டோவில் கடத்திச் சென்ற வட்டி பிரபாகர்!
