சென்னை:மாநகரம், கைதி, மாஸ்டர் என்ற வெற்றித் திரைப்படங்களின் வரிசையில், இயக்குநர் லோகேஷ் கனகராஜ் அடுத்ததாக இயக்கி இருக்கும் திரைப்படம், விக்ரம். கமல்ஹாசன், விஜய்சேதுபதி, பகத் பாசில் என முண்ணனி நடிகர்கள் நடித்துள்ள இப்படத்திற்கு அனிருத் இசையமைத்துள்ளார். நீண்ட நாட்களுக்குப் பிறகு கமல்ஹாசனின் ஆட்டம் போட வைக்கும் அறிமுக பாடலாக ‘பத்தல.. பத்தல..’ என்னும் பாடல் இப்படத்தில் இடம் பெற்றுள்ளது.
மேலும், இப்பாடல் வெளியாகி சில அரசியல் சர்ச்சைகளையும் சந்தித்தது. இதற்கிடையில், விக்ரம் படத்தின் டிரைலர் மற்றும் இசை வெளியீட்டு விழா வெகு விமரிசையாக நடைபெற்று முடிந்தது. லோகேஷ் கனகராஜின் திரைக்கதைக்கும், கமலின் விஸ்வரூபத்தினையும் எதிர்பார்த்துக் காத்துக் கொண்டிருக்கும் ரசிகர்களுக்கு மத்தியில், விக்ரம் திரைப்படம் ற ஜூன் 3 ஆம் தேதி திரையரங்குகளில் வெளியாகிறது.