சென்னை: கிண்டி கிங்ஸ் மருத்துவமனை வளாகத்தில் கட்டப்பட்டு வரும் பன்னோக்கு மருத்துவமனையின் கட்டுமானப் பணிகளின் தரம் குறித்து, பொதுப்பணித்துறை அமைச்சர் எ.வ.வேலு மற்றும் மருத்துவம் மற்றும் மக்கள் நல்வாழ்வுத் துறை அமைச்சர் மா.சுப்பிரமணியன் ஆகியோர் ஆய்வு மேற்கொண்டனர்.
இதனைத் தொடர்ந்து செய்தியாளர்களிடம் பேசிய அமைச்சர் எ.வ.வேலு, “ஜூன் 3ஆம் தேதி கருணாநிதியின் பிறந்தநாள் காரணமாக நூற்றாண்டு விழா கொண்டாடப்பட உள்ளது. இதனால், அவரது பிறந்தநாளில் அடிக்கல் நாட்டப்பட்ட இந்த புதிய மருத்துவமனை கட்டடத்தின் கட்டுமானப் பணிகள், தற்போது 90 சதவீதம் நிறைவு பெற்றுள்ளது. எனவே வருகிற மே 15ஆம் தேதிக்குள் கட்டுமானப் பணிகள் அனைத்தும் நிறைவு பெறும். இதனால் கருணாநிதியின் நூற்றாண்டு பிறந்தநாள் விழா கொண்டாட்டத்தினை ஒட்டி, ஏதாவது ஒரு தேதியில் முதலமைச்சர் மருத்துவமனையை திறந்து வைக்க உள்ளார்.