சென்னை: துபாயில் இருந்து எமிரேட்ஸ் ஏர்லைன்ஸ் பயணிகள் விமானம் சென்னை சர்வதேச விமான நிலையத்திற்கு வந்தது. அதில் வந்த பயணிகளை சென்னை விமான நிலைய சுங்க அதிகாரிகள் சோதனையிட்டனர். அப்போது சென்னையைச் சேர்ந்த 3 பயணிகள் மீது சுங்க அதிகாரிகளுக்கு சந்தேகம் ஏற்பட்டது.
அவர்களை சோதனை செய்தபோது, அவர்கள் ஆடைக்குள் தங்கத்தை மறைத்து வைத்திருந்தது தெரியவந்தது. இதையடுத்து, அவர்களது உடைமைகளையும் பரிசோதித்தபோது, அதில் ஏராளமான ப்ளூடூத், இயர் பட்ஸ்கள் இருந்தன. அவற்றை கழற்றி சோதித்தபோது, அவற்றினுள் தங்க அச்சுகள் இருந்தது தெரியவந்தது.