"விளையாட்டுத்துறை அமைச்சர் வரலாறு தெரியாமல் விளையாட்டாக பேசுகிறார்" - உதயநிதியை கேலி செய்த ஜெயக்குமார்!

விளையாட்டுத் துறை அமைச்சர் உதயநிதி ஸ்டாலின் விளையாட்டு பையனாக வரலாறு தெரியாமல் பேசி வருகிறார் என முன்னாள் அதிமுக அமைச்சர் ஜெயகுமார் கடுமையாக விமர்சித்துள்ளார்.

சென்னை:சென்னையை அடுத்த புழல் பகுதியில் அதிமுக எம்ஜிஆர் மன்றம் சார்பில் எம்ஜிஆர் இலவச கணினி பயிற்சி மையம் மற்றும் இ சேவை மையத்தை முன்னாள் அமைச்சர் ஜெயகுமார் திறந்து வைத்து செய்தியாளர்களை சந்தித்தார். அப்போது பேசிய அவர், "ஒன்றரை கோடி மதிப்பில் இலவச கணினி பயிற்சி மையம் மாதவரம் மூர்த்தி ஏற்பாட்டில் திறந்து வைக்கப்படுகிறது. இதன் மூலம் மாணவ மாணவிகள் கணினி திறன் பெற்று வேலைவாய்ப்பை உறுதி செய்வதற்காக உதவியாக இருக்கும்.

திமுக ஆட்சியை விதி 356ஐ பயன்படுத்தி டிஸ்மிஸ் செய்தால் மக்கள் மகிழ்ச்சியடைவார்கள். டிஸ்மிஸ் ராசி திமுகவிற்கு அதிகமாக உள்ளது. துரியோதனன் வீழ்ந்தது சகுனி, துட்சாதணனால் தான். அதுபோல திமுகவில் பல சகுனி, துட்சாதணன்கள் உள்ளனர் அவர்களால் திமுக அழிந்துவிடும் என விமர்சனம் செய்தார்.

ஓபிஎஸ் நேற்று மாலை ஆதரவாளர்களுடன் ஆலோசனை மேற்கொண்டு, ஜூலை 1ஆம் தேதி மாவட்ட செயலாளர்கள் கூட்டம் நடைபெறும் என அறிவித்தது குறித்து பதிலளித்த முன்னாள் அமைச்சர் ஜெயகுமார், மண் குதிரையை நம்பி ஆற்றில் இறங்கியவர்கள் நிலை என்ன ஆகும்? அதுபோல தான் ஓபிஎஸ்ஸை நம்பியவர்களின் நிலையும்.

திமுக அரசு 500 மதுக்கடைகளை மூடியது. அதில் தமிழ்நாட்டில் வருமானம் குறைவாக உள்ள கடைகள் மட்டுமே மூடப்பட்டுள்ளன. திமுக ஆட்சியில் இல்லாத போது மதுவிலக்கு அமல்படுத்த வேண்டும் என கோசமிட்டனர். ஆனால், ஆட்சிக்கு வந்ததும் மதுவிலக்கு குறித்து வாய் திறக்கவில்லை” என முதலமைச்சரையும், திமுகவையும் விமர்சனம் செய்தார்.

தொடர்ந்து நடிகர் விஜய் அரசியல் பேச்சு குறித்து பேசிய அவர், “யார் வேண்டுமானாலும் அரசியளுக்கு வரலாம். அதற்கு கஷ்டம், நெலிவு சுழிவுகள் இருக்கும் என்று நடிகர் விஜய் தெரிந்து கொள்ள வேண்டும்” என விஜய்யின் அரசியல் பயணம் குறித்து ‘முதல்வன்’ பட ரகுவரன் பானியில் முன்னாள் அமைச்சர் ஜெயகுமார் பதிலளித்தார்.

மேலும், கடல் அரிப்பு உள்ள இடத்தில் பேனா சிலை வைப்பது முறையல்ல எனவும், அதனால், மக்களின் வரிப்பணம் வீணாகும் எனவும் திமுக அறக்கட்டளையில் இருந்து பணம் செலவு செய்து கலைஞர் கோட்டம் அமைத்தது போல, அறக்கட்டளையில் இருந்து பணம் எடுத்து அறிவாலயத்தில் வைக்கட்டும் என விமர்சித்தார். கடலில் பேனா சிலை வைப்பதற்கு அதிமுக சார்பில் வழக்கு தொடரப்பட்டுள்ளது. சட்டப்பூர்வமாக அதிமுக சார்பில் எதிர்கொள்வோம் என தெரிவித்துள்ளார்.

செந்தில் பாலாஜியின் அறுவை சிகிச்சையில் வெளிப்படைத்தன்மைக்காக நேரு விளையாட்டு அரங்கிலா அறுவை சிகிச்சை செய்யமுடியும் என சுகாதாரத்துறை அமைச்சரின் கேள்விக்கு பதிலளித்த ஜெயகுமார், திமுக அமைச்சர்கள் மீது விரைவில் அமலாக்கத்துறை அதிகாரிகளின் ஆபரேசன் நடைபெற உள்ள கலக்கத்தில் உள்ளனர்" என கூறினார்.

இதையும் படிங்க:அதிமுக முன்னாள் அமைச்சர்கள் மீதான வழக்கை வேகப்படுத்தும் திமுக..!; பின்னணி என்ன..?