சென்னை: வடபழனி திருநகரில் உள்ள ஹாஸ்டல் சாலையில் தமிழ்நாடு அரசு பிற்படுத்தப்பட்டோர் நலத்துறை மாணவர் விடுதி அமைந்துள்ளது. இந்த விடுதியில் பல கல்லூரி மாணவர்கள் தங்கி படிக்கின்றனர்.
இந்த நிலையில் நேற்று இந்த விடுதியில் தங்கி வந்த நான்கு கல்லூரி மாணவர்களுக்கு வாந்தி, மயக்கம், வயிற்றுப்போக்கு ஏற்பட்டுள்ளது. இதனால் உடனடியாக அந்த நான்கு மாணவர்களும் சிகிச்சைக்காக கீழ்ப்பாக்கம் அரசு மருத்துவமனைக்கு கொண்டுவரப்பட்டு சிகிச்சை பெற்று வருகின்றனர். இந்த சம்பவம் தொடர்பாக வடபழனி போலீசார் விடுதிக்கு வந்து விசாரணை நடத்தி வருகின்றனர்.
இந்நிலையில் நேற்றிரவு மேலும் 6 மாணவர்களுக்கு வாந்தி, மயக்கம், வயிற்றுப்போக்கு ஏற்பட்டதால் அவர்கள் கே.கே நகர் அரசு மருத்துவமனைக்கு அழைத்து செல்லப்பட்டு சிகிச்சை பெற்று வருகின்றனர்.