சென்னை: இயக்குநர் அப்பாஸ் ஏ ரஹ்மத் இயக்கத்தில் உருவாகி வரும் புதிய திரைப்படம் “ஃபைட் கிளப்” (FIGHT CLUB). இந்த படத்தில் விஜய்குமார் கதாநாயகனாக நடிக்கிறார். இந்த படத்தை ரீல் குட் பிலிம்ஸ் நிறுவனம் சார்பில் ஆதித்யா தயாரிக்கிறார். இந்த படத்திற்கு கோவிந்த் வசந்தா இசையமைக்கிறார்.
மேலும், லோகேஷ் கனகராஜின் 'ஜி ஸ்குவாட்' நிறுவனம் “ஃபைட் கிளப்” வழங்குகிறது. இந்த படத்தில் முக்கிய கதாபாத்திரத்தில் மோனிஷா மோகன் மேனன், கார்த்திகேயன் சந்தானம், சங்கர் தாஸ், அவினாஷ் ரகுதேவன் சரவணன் வேல் ஆகியோர் நடித்திருக்கின்றனர்.
“ஃபைட் கிளப்” படத்திற்கு ஒளிப்பதிவாளராக லியோன் பிரிட்டோவும், கலை இயக்கத்திற்கு ஏழுமலை ஆதிகேசவனும், படத்தொகுப்பு பணிகளை மேற்கொள்ள கிருபாகரனும், சண்டைக் காட்சிகளுக்கு விக்கி மற்றும் அம்ரீன் - அபுபக்கர் ஆகியோர் தொழில்நுட்ப கலைஞர்களாக படத்தில் இணைந்துள்ளனர். இந்த படத்திற்கான கதையை சசி அமைத்திருக்கிறார். மேலும், கிரியேட்டிவ் தயாரிப்பாளராக விஜய்குமார் பணியாற்றி உள்ளார்.