மது போதையால் 2மாத பெண் குழந்தையை கொலை செய்த தந்தை!

சென்னை: மது போதையால் விபரீதம் பிறந்து இரண்டு மாதமே ஆன பெண்குழந்தை அடித்து கொலை செய்த தந்தையை காவல் துறையினர் கைது செய்தனர்.

சென்னை அசோக் நகர் பகுதியைச் சேர்ந்தவர் எல்லப்பன் (27). இவர் கூலித்தொழிலாளி. இவரது மனைவி துர்கா இவர்களுக்கு ராஜமாதா என்ற இரண்டு மாத பெண் குழந்தை இருந்தது. இந்நிலையில், நேற்று இரவு எல்லப்பன் மதுபோதையில் வீட்டிற்கு வந்துள்ளார். இதையடுத்து, அவர் மனைவி துர்காவுடன் உறவில் ஈடுபட்டுள்ளார்.

அப்போது, குழந்தையின் அழுகை சத்தம் கேட்டதால் துர்கா எல்லப்பனை விட்டு விலகிச் சென்று குழந்தைக்குபால் கொடுத்து கொண்டிருந்தார். இதனால் ஆத்திரம் அடைந்த எல்லப்பன் குழந்தையின் கன்னத்தில் ஓங்கி அடித்துள்ளார். அதில், குழந்தை உயிரிழந்தது.

இதுகுறித்து தகவல் அறிந்து சம்பவ இடத்திற்கு வந்த எம்ஜிஆர் நகர் காவல் துறையினர் குழந்தையின் சடலத்தை கைப்பற்றி உடற்கூறாய்விற்காக ராயப்பேட்டை மருத்துவமனைக்கு அனுப்பி வைத்தனர்.

குழந்தையைக் கொலை செய்த தந்தை எல்லப்பன்

அதனைத் தொடர்ந்து காவல் துறையினர் எல்லப்பனை கைது செய்து விசாரணை நடத்தி வருகின்றனர். மேலும், இரண்டு மாத குழந்தையை தந்தையே அடித்து கொலை செய்த சம்பவம் அப்பகுதியில் பெரும் பரபரப்பை ஏற்படுத்தியுள்ளது.

இதையும் படிங்க:செங்கல்பட்டு ரயில் நிலையத்தில் துணிப்பையில் கிடந்த குழந்தை!