டெல்லி: மருத்துவம் சார்ந்த எம்பிபிஎஸ் போன்ற படிப்புகளில் சேர இந்திய அளவில் நீட் என்னும் நுழைவுத் தேர்வு நடத்தப்பட்டு வருகிறது. நடப்பு கல்வியாண்டிற்கான நீட் இளங்கலை தேர்வு வருகிற ஜூலை 17 ஆம் தேதி நடைபெற உள்ளது. இதற்காக கடந்த ஏப்ரல் 6 முதல் நீட் இளங்கலை நுழைவுத் தேர்விற்கான விண்ணப்பப் பதிவு துவங்கியது.
மேலும் விண்ணப்பிப்பதற்கான கடைசி தேதி மே 6 எனவும், தேசிய தேர்வு முகமை அறிவித்திருந்தது. அதேநேரம், நடப்பு கல்வியாண்டு முதல் கூடுதலாக 20 நிமிடம் அளிக்கப்பட்டு, பிற்பகல் 2 மணிக்கு தொடங்கி மாலை 5.20 மணிக்கு தேர்வு நிறைவு பெறும் என தேசிய தேர்வு முகமை ஏற்கனவே தெரிவித்திருந்தது.