வாக்குப்பதிவு நேரம் அதிகரிப்பு
தமிழ்நாடு சட்டப்பேரவைத் தேர்தல் வாக்குப்பதிவை வழக்கமான நேரத்துடன் 1 மணி நேரம் அதிகரிக்க முடிவுசெய்யப்பட்டுள்ளதாக இந்தியத் தலைமைத் தேர்தல் ஆணையர் சுனில் அரோரா தெரிவித்தார்.
மீண்டும் பரப்புரையைத் தொடங்கிய மு.க. ஸ்டாலின்
சில நாள்கள் இடைவெளிக்குப் பின் திமுக தலைவர் மு.க. ஸ்டாலின் இன்று மீண்டும் தேர்தல் பரப்புரையைத் தொடங்குகிறார். விக்கிரவாண்டி, உளுந்தூர்பேட்டை ஆகிய தொகுதிகளில் பரப்புரை மேற்கொள்கிறார்.
சென்னை மெட்ரோ ரயில் சேவை
சென்னை மெட்ரோ ரயில் நிறுவனம் பயணிகளின் கோரிக்கையைக் கருத்தில்கொண்டு இன்றுமுதல் 5 நிமிட இடைவெளியில் ரயில்களை இயக்க முடிவுசெய்துள்ளது.
கட்டுமான துறையினர் வேலைநிறுத்த போராட்டம்
கட்டுமான பணிக்கு அத்தியாவசிய பொருள்களான சிமெண்ட், கம்பி விலை உயர்வை கண்டித்து நாடு தழுவிய அளவில் கட்டுமான துறையினர் இன்று வேலைநிறுத்த போராட்டத்தில் ஈடுபடுகின்றனர்.
லைவ் டெலிகாஸ்ட் வெப் சீரிஸ்
இயக்குநர் வெங்கட் பிரபு இயக்கத்தில் காஜல் அகர்வால், வைபவ், கயல் ஆனந்தி உள்ளிட்டோர் நடித்த 'லைவ் டெலிகாஸ்ட்' வெப் தொடர் இன்றுமுதல் டிஸ்னி ஹாட் ஸ்டாரில் ஒளிப்பரப்பாகிறது.