லஞ்ச ஒழிப்புத்துறையிடம் மீன்வளத்துறை அமைச்சருக்கு எதிராக திமுக முன்னாள் எம்எல்ஏ புகார்!
திருநெல்வேலி மாவட்டம், ராசிபுரம் தொகுதியின் முன்னாள் சட்டப்பேரவை உறுப்பினர் அப்பாவு, மீன்வளத்துறை அமைச்சர் ஜெயக்குமார் மீது நிதி முறைகேட்டில் ஈடுபட்டதாக, சென்னை ஆலந்தூரில் உள்ள தமிழ்நாடு லஞ்ச ஒழிப்புத்துறை தலைமை இயக்குநரிடம் புகார் அளித்தார்.
இருசக்கர வாகனத்துடன் மழைநீரில் அடித்துச் செல்லப்பட்ட பெண்!
புதுச்சேரி: நேற்று அதிகாலை பெய்த கனமழையால், வெள்ளவாரி வாய்காலில் ஏற்பட்ட வெள்ளத்தால், பெண் ஒருவர் இருச்சக்கர வாகனத்துடன் அடித்துச் செல்லப்பட்டார். அவரது உடலை தீயணைப்பு துறையினர் தேடி வருகின்றனர்.
கேரள எல்லைக்கு பூட்டுப்போட்ட கர்நாடக அரசு!
கர்நாடக மாநில தட்சின கன்னடா - கேரளா எல்லை வழிச்சாலை காலை முதல் மூடப்பட்டது. 72 மணி நேரத்துக்கு முன் கரோனா இல்லை என பரிசோதனை முடிவுச் சான்றிதழ் உள்ளவர்கள் மட்டுமே அனுமதிக்கப்படுவார்கள் என கர்நாடக அலுவலர்கள் தெரிவித்துள்ளனர்.
பெரும் இழப்பை சந்தித்த இந்திய பங்குச் சந்தை!
இன்றைய வர்த்தக நாளில் மும்பை பங்குச் சந்தை குறியீட்டு எண் சென்செக்ஸ் 1,145 புள்ளிகள் குறைந்து 49,744ஆக இருந்தது. தேசிய பங்குச் சந்தை குறியீட்டு எண் நிஃப்டி 306 புள்ளிகளை இழந்து 14,675ஆக இருந்தது.
உ.பி.யில் தொடரும் வன்முறைச் சம்பவங்கள் - இளம் பெண் மீது திராவகம் வீச்சு!
ஹபூர் மாவட்டத்தில் இளம்பெண் மீது ஒருவர் திராவகம் வீசியுள்ளார். பாதிக்கப்பட்ட பெண் மருத்துவமனையில் அனுமதிக்கப்பட்டுள்ள நிலையில், சம்பவம் குறித்துக் காவல் துறையினர் வழக்குப்பதிவு செய்து, குற்றவாளியைத் தேடி வருகின்றனர்.
