1.பிரதமர் சுற்றுப்பயணம்
அஸ்ஸாம் மற்றும் மேற்கு வங்காள மாநிலங்களுக்கு பிரதமர் மோடி இன்று (பிப்.07) சுற்றுப்பயணம் மேற்கொண்டு பல திட்டங்களுக்கு அடிக்கல் நாட்ட உள்ளார்.
2. முதலமைச்சர் தேர்தல் பரப்புரை
தமிழ்நாடு முதலமைச்சரும், அதிமுகவின் இணை ஒருங்கிணைப்பாளருமான எடப்பாடி பழனிசாமி இன்று திருவள்ளூர் மாவட்டத்தில் காடுவெட்டி, திருவள்ளூர், மீஞ்சூர் உள்ளிட்ட இடங்களில் தேர்தல் பரப்புரை மேற்கொள்ள உள்ளார்.
3. பே லோடு சேலஞ்ச்-2021
அப்துல் கலாம் அறக்கட்டளை சார்பில் பே லோடு சேலஞ்ச்-2021 நிகழ்ச்சியில் புதுக்கோட்டை மாவட்டத்தைச் சேர்ந்த 12ஆம் வகுப்பு மாணவி ஜெயலட்சுமி உருவாக்கிய செயற்கைகோள் இன்று விண்ணில் ஏவப்படவுள்ளது. இதில், 100 அரசுப்பள்ளி, கல்லூரி மாணவர்கள் தயாரித்த சிறிய அளவிலான செயற்கைக்கோள்கள் விண்ணில் ஏவப்படவுள்ளன.
4. ஜல்லிக்கட்டு
நாமக்கல் மாவட்டம் முள்ளுக்குறிச்சியில் இன்று ஜல்லிக்கட்டு போட்டி நடக்கிறது.
5. இந்தியா - இங்கிலாந்து டெஸ்ட்
இந்தியா - இங்கிலாந்து அணிகளுக்கு இடையிலான முதலாவது டெஸ்ட் போட்டியின் மூன்றாம் நாள் ஆட்டம் இன்று நடைபெறுகிறது. இதில் இங்கிலாந்து அணி தனது முதல் இன்னிங்ஸில் 8 விக்கெட்டுகளை இழந்து 555 ரன்களுடன் மூன்றாம் நாள் ஆட்டத்தைத் தொடரவுள்ளது.
