இன்று கூடுகிறது உள் துறை விவகாரங்களுக்கான நாடாளுமன்ற நிலைக்குழு
நாடாளுமன்றத்தின் உள் துறை விவகாரங்களுக்கான நிலைக்குழு இன்று கூடுகிறது. இது குறித்து வெளியான செய்தியில், நாடாளுமன்றத்தின் உள் துறை விவகாரங்களுக்கான நிலைக்குழு இன்றும், நாளையும் (டிச. 17, 18) கூடுகிறது. இதில், பெண்களுக்கு எதிரான கொடுமைகள், குற்றம் குறித்து இன்றும், கரோனா பரவல் குறித்து நாளையும் விவாதம் நடத்தப்படவுள்ளதாகத் தெரிவித்துள்ளது.
இன்றுமுதல் அனைத்துக் கல்லூரிகளும் திறக்கப்படும் - அரசு அதிரடி
புதுச்சேரியில் இன்றுமுதல் அனைத்து கல்லூரிகளும் திறக்கப்படும் என அம்மாநில உயர் கல்வித் துறை அறிவித்துள்ளது.
வங்கதேச பிரதமருடன் உச்சிமாநாட்டில் பங்கேற்கும் மோடி
இந்திய - வங்கதேச பிரதமர்களிடையே டிசம்பர் 17ஆம் தேதி உச்சி மாநாடு நடைபெறவுள்ளதாக மத்திய வெளியுறவுத் துறை தெரிவித்திருந்தது. இது குறித்து வெளியுறவுத் துறை வெளியிட்ட செய்தியில், இந்திய பிரதமர் மோடி, வங்கதேச பிரதமர் ஷேக் ஹசீனா இடையே இன்று இணையவழி உச்சி மாநாடு நடைபெறவுள்ளது. இதில் கரோனாவிற்குப் பிந்தைய காலத்தில் இரு நாடுகளுக்கிடையே உள்ள உறவை மேலும் வலுப்படுத்துவது குறித்து இரு நாட்டுத் தலைவர்களும் கலந்துரையாடல் நடத்துவார்கள் எனத் தெரிவித்துள்ளனர்.