எம்.ஜி.ஆர் சிலைக்கு ஈபிஎஸ் & ஓபிஎஸ் மலர் தூவி மரியாதை!

சென்னை: அதிமுக நிறுவனரும், மறைந்த தமிழ்நாட்டின் முதலமைச்சருமான எம்.ஜி.ஆரின் 104ஆவது பிறந்த நாளான இன்று(ஜன.17) தமிழ்நாடு முதலமைச்சர் எடப்பாடி பழனிசாமி, துணை முதலமைச்சர் ஓ.பன்னீர்செல்வம் ஆகியோர் அவரது சிலைக்கு மலர் தூவி மரியாதை செலுத்தினர்.

மறைந்த தமிழ்நாடு முன்னாள் முதலமைச்சர், மக்கள் திலகம் எம்.ஜி.ஆரின் 104ஆவது பிறந்தநாள் இன்று (ஜன 17) தமிழ்நாட்டில் வெகு சிறப்பாக கொண்டாடப்பட்டுவருகிறது. அரசியல் தலைவர்கள் அவரது உருவ சிலைக்கும், புகைப்படத்திற்கும் மாலை அணிவித்து மரியாதை செலுத்தி வருகின்றனர்.

சென்னை கிண்டியில் உள்ள தமிழ்நாடு டாக்டர் எம்.ஜி.ஆர் மருத்துவ பல்கலைக்கழகத்தில் அமைக்கப்பட்டுள்ள எம்.ஜி.ஆரின் உருவ சிலை, உருவப்படம் ஆகியவை அலங்கரிக்கப்பட்டிருந்தது.

இதையடுத்து தமிழ்நாடு முதலமைச்சர் எடப்பாடி பழனிசாமி, துணை முதலமைச்சர் ஓ.பன்னீர்செல்வம், அதிமுக அமைச்சர்கள் எம்.ஜி.ஆரின் உருவ சிலை, உருவப்படத்திற்கு மலர் தூவி மரியாதை செலுத்தினர். இந்நிகழ்ச்சியில் அதிமுக நிர்வாகிகள் பலரும் கலந்துகொண்டனர்.

இதையும் படிங்க: எம்ஜிஆரை புகழ்ந்து பிரதமர் மோடி தமிழில் ட்வீட்!