நான்கு அம்ச கோரிக்கைகளை வலியுறுத்தி அரசு மருத்துவர்கள் கடந்த எட்டு நாள்களாக வேலைநிறுத்தப் போராட்டத்தில் ஈடுபட்டனர். இதனால் நோயாளிகள் பெரிதும் பாதிக்கப்படுவதாக குற்றச்சாட்டு எழுந்துவந்த நிலையில் முக்கிய மருத்துவர்கள் இல்லாத காரணத்தால் நோயாளிகள் இரண்டு பேர் உயிரிழந்துள்ளதாக அவர்களின் உறவினர்கள் குற்றஞ்சாட்டியுள்ளனர்.
சென்னை வில்லிவாக்கத்தைச் சேர்ந்தவர் குமார். இவருடைய மகள் ஷோபனா (23) உடல்நலம் பாதிக்கப்பட்டு முதலில் கீழ்ப்பாக்கம் அரசு மருத்துவமனையில் அனுமதிக்கப்பட்டிருந்தார். அங்கு போதிய சிகிச்சையளிக்க முடியாத காரணத்தால் ராஜிவ் காந்தி அரசு மருத்துவமனையில் அனுமதிக்கப்பட்டுள்ளார். மருத்துவர்களின் போராட்டம் காரணமாக மருத்துவர்கள் வந்து முறையான சிகிச்சை அளிக்காத காரணத்தால் ஷோபனா உயிரிழந்தார் என்று அவரின் உறவினர்கள் குற்றஞ்சாட்டுகின்றனர்.
மருத்துவர்கள் மீது உயிரிழந்தவர்களின் உறவினர்கள் குற்றச்சாட்டு