திமுக தலைவர் ஸ்டாலினை புதுவை முதல்வர் நாராயணசாமி சென்னை அண்ணா அறிவாலயத்தில் மரியதை நிமித்தமாக இன்று சந்தித்துப் பேசினார்.
பின்னர், செய்தியாளர்களிடம் பேசிய அவர், "திமுக கூட்டணியில் புதுச்சேரி நாடாளுமன்றத் தொகுதியில் காங்கிரஸ் வேட்பாளர் நிற்பது என்பது உறுதி செய்யப்பட்டுள்ளது.அதேபோல், தட்டாஞ்சாவடி தொகுதியில் சட்ட மன்ற உறுப்பினராக இருந்தவர் தகுதி நீக்கம் செய்யப்பட்டுள்ள நிலையில், அந்த தொகுதிக்கும் இடைதேர்தல் வருகிறது.
அந்த தொகுதியை பொறுத்தவரை திமுக எந்த முடிவு எடுத்தாலும் நாங்கள் கேட்டுக் கொள்வோம் தயார் என கூறினோம். அதன்படி, அங்கு திமுக வேட்பாளர் நிற்பார் என்ற முடிவு எடுத்துள்ளனர். அதனை நாங்கள் ஏற்றுக்கொண்டுள்ளோம். அனைத்துக் கூட்டணி கட்சிகள் ஒருங்கிணைந்து இந்த தேர்தலில் பணி புரிவோம்.