ஈரோடு கிழக்கு இடைத்தேர்தலில் திமுக பண பட்டுவாடா - தேமுதிகவினர் புகார்!

ஈரோடு கிழக்கு இடைத்தேர்தலில் திமுக அமைச்சர்கள், நேரடியாக பண பட்டுவாடாவில் ஈடுபட்டதாக தேமுதிக நிர்வாகிகள், தமிழ்நாடு தலைமை தேர்தல் அதிகாரியிடம் புகார் அளித்துள்ளனர்.

சென்னை:ஈரோடு கிழக்கு சட்டமன்ற இடைத்தேர்தலையொட்டி திமுக அமைச்சர்கள், பொதுமக்களிடம் நேரடியாக பண பட்டுவாடா செய்வதாக தமிழ்நாடு தலைமை தேர்தல் அதிகாரியிடம் தேமுதிக வழக்கறிஞர்கள் பிரிவு நிர்வாகிகள் இன்று (பிப்.4) புகார் அளித்துள்ளனர்.

ஈரோடு கிழக்கு சட்டமன்ற இடைத்தேர்தலில் திமுக அமைச்சர்கள் நேரடியாக பண பட்டுவாடா செய்வதாக தேமுதிக வழக்கறிஞர்கள் பிரிவு நிர்வாகிகள், தமிழ்நாடு தலைமை தேர்தல் அதிகாரியிடம் புகார் அளித்துள்ளனர். சென்னை தலைமைச் செயலகத்தில், ஈரோடு கிழக்கு இடைத்தேர்தலில் முறைகேடு தொடர்பாக தேமுதிக வழக்கறிஞர் பிரிவு நிர்வாகிகள், தமிழ்நாடு தலைமை தேர்தல் அதிகாரியிடம் புகார் அளித்துள்ளனர்.

இது குறித்து செய்தியாளரிடம் பேசிய ஜனார்த்தனன், தேமுதிக மாநில வழக்கறிஞர் துணை செயலாளர், தற்போது நடக்க உள்ள ஈரோடு சட்டமன்ற இடைத்தேர்தலில், ஆளுங்கட்சி தொடர்ந்து முறைகேட்டில் ஈடுபடுவது குறித்து தமிழ்நாடு தேர்தல் அதிகாரியிடம் புகார் கொடுக்கப்பட்டுள்ளது. இந்த இடைத்தேர்தலில் பண பட்டுவாடா செய்யப்பட்டு வருகிறது. மேலும், அமைச்சர்கள் முகாம் அங்கு இட்டு உள்ளனர்.

அமைச்சர்களின் காரில் கட்சி கொடி, கட்சி கொடி கம்பங்கள், கட்சி போஸ்டர்கள் அகற்றப்படவில்லை. தொடர்ந்து அனைத்து இடங்களிலும் அமைச்சர்கள் தனிப்பட்ட முறையில், வாக்காளருக்கு பணம் வழங்கி வருவதாக தெரிவித்தார். மேலும், மூன்று தெருவில் ஓட்டு வாங்கி தருவதாக கூறிய, ஒரு நபருக்கு பணியிடை மாற்றம் செய்து தந்துள்ளனர்.

இதுபோன்று பல்வேறு முறைகேடுகள், நடைபெற்று வரும் நிலையில் அங்குள்ள மாவட்ட ஆட்சியரிடத்திலும், இதுகுறித்து புகார் அளித்தும் எந்த நடவடிக்கையும் எடுக்காத பட்சத்தில், தற்போது தமிழ்நாடு தலைமை தேர்தல் அதிகாரியிடம் புகார் மனு கொடுக்கப்பட்டுள்ளது. உண்மை தன்மையை அறிந்து தகுந்த நடவடிக்கை எடுப்பதாக தமிழ்நாடு தேர்தல் அதிகாரி தெரிவித்ததாக தெரிவித்தார்.

இதையும் படிங்க: ஈரோடு கிழக்கு மக்களுக்கு ஆரத்தி எடுத்த அமைச்சர் மா.சுப்பிரமணியன்!