சென்னை:தீபாவளி பண்டிகை நெருங்கி வருவதையடுத்து, தமிழகத்தின் தொழில் நகரங்களான சென்னை, கோயம்புத்தூர் போன்ற இடங்களில் இருந்து, தமிழகத்தின் பல்வேறு பகுதிகளுக்கு சிறப்பு பேருந்துகள், ரயில்கள் இயக்கப்படுகின்றன. அந்த வகையில் நாகர்கோவில் - தாம்பரம் இடையே சிறப்பு கட்டண சிறப்பு ரயில் இயக்கப்பட உள்ளது என்று தெற்கு இரயில்வே அறிவித்து இருந்தது.
இந்நிலையில் தாம்பரத்தில் இருந்து நாகர்கோவிலுக்கு தீபாவளியை முன்னிட்டு சிறப்பு ரயில் சேவைக்கான முன்பதிவு இன்று (நவ. 2) தொடங்கியது. வண்டி எண் 06012 நாகர்கோவில் - தாம்பரம் சிறப்பு ரயில் நவம்பர் 5, 12, 19, 26 ஆகிய தேதிகளில் நாகர்கோவிலில் இருந்து மாலை 4.35 மணிக்கு புறப்பட்டு, அடுத்த நாள் அதிகாலை 4.10 மணிக்கு தாம்பரம் வந்தடையும் என தெற்கு ரயில்வே தெரிவித்து உள்ளது.