நாளை கூடுகிறது சட்டப்பேரவை கூட்டம்.. காவிரி விவகாரம் தொடர்பாக தீர்மானம் நிறைவேற்ற முடிவு என தகவல்!

Tamil Nadu Legislative Assembly: தமிழ்நாடு சட்டப்பேரவைக் கூட்டத் தொடர் நாளை கூடவுள்ள நிலையில், காவிரி நதிநீர் விவகாரத்தில் அனைத்துக் கட்சிகளின் ஆதரவுடன் நாளை தீர்மானம் நிறைவேற்றவுள்ளதாக தகவல் வெளியாகியுள்ளது.

சென்னை:காவிரி நதிநீர் பங்கீடு தொடர்பாக ஏற்கனவே தமிழ்நாடு - கர்நாடக அரசுக்கும் இடையே பரபரப்பான அரசியல் சூழல் நிலவி வரும் நிலையில் நாளை (அக்.09) காலை 10 மணிக்கு தமிழ்நாடு சட்டப்பேரவை கூடுகிறது. இதில் காவிரி விவகாரம் தொடர்பாக ஏற்கனவே அனைத்துக் கட்சி கூட்டத்தை கருத்துகளைக் கேட்டு தீர்மானம் நிறைவேற்ற வேண்டும் என பேசபட்ட நிலையில் நாளை கூடவுள்ள சட்டபேரவைக் கூட்டத்தில் அனைத்துக் கட்சிகளின் ஆதரவுடன் நாளை பேரவையில் தீர்மானம் நிறைவேற்றபடவுள்ளதாக தகவல் வெளியாகியுள்ளது.

இந்த சட்டபேரவை கூட்டத்தொடர் நாளை தொடங்கி வெள்ளிக்கிழமை வரை நடைபெறும் என எதிர்பார்க்கபடுகிறது.மேலும், நாளை மாலை நடைபெறும் அலுவல ஆய்வு கூட்டத்தில் பேரவை எத்தனை நாள்கள் நடைபெறும் என முடிவெடுக்கபடும். குறிப்பாக நாளை முதல் நாள் கூட்டத்தொடரில் 2023-24ஆம் ஆண்டிற்கான கூடுதல் செலவினங்களுக்கான மானிய கோரிக்கை தாக்கல் செய்யபடவுள்ளது.

மேலும், பல்வேறு கோரிக்கைகளை வலியுறுத்தி ஆசிரியர்கள் நடத்திய போராட்டம், ஆசிரியர்களை இரவோடு இரவாக கைது செய்து அப்புறபடுத்தியது, காவிரி நதிநீர் விவகாரத்தில் தற்போது வரை அரசு அனைத்துக் கட்சி கூட்டத்தை கூட்டாமலிருப்பது, தமிழ்நாட்டில் பரவி வரும் டெங்கு காய்ச்சலுக்கு அரசு முன்னெச்சரிக்கை நடவடிக்கை எடுக்க தவறவிட்டது போன்ற பல்வேறு பிரச்னைகளை அதிமுக தரப்பில் கேள்வி எழுப்ப திட்டமிட்டுள்ளது.

தேர்தல் வாக்குறுதியில் கூறியது ஒன்று ஆனால் நிறைவேற்றியது ஒன்று, மகளிர் உரிமைத்தொகையை குறிப்பிட்டு கேள்வி எழுப்பவுள்ளதாகவும் அதிமுக வட்டாரங்கள் தெரிவிக்கின்றன. மேலும், எதிர்கட்சிகள் எழுப்பும் கேள்விகளுக்குப் பதிலளிக்க அரசு தரப்பிலும் பல்வேறு தரவுகள் தயாராக உள்ளதாகவும் கூறப்படுகிறது.

நாளைய கூட்டத்தொடரில் அனைத்துக் கட்சி ஆதரவுடன் தீர்மானம் நிறைவேற்றினாலும் மத்திய அரசு அதற்கு என்ன நடவடிக்கை எடுக்க போகிறது என்பதும் கேள்விக்குறி தான். அதிமுகவில் நிலவியுள்ள உட்கட்சி பூசல் குழப்பம் நாளைய சட்டபேரவையிலும் தொடரும் என எதிர்பார்க்கபடுகிறது.

எதிர்கட்சி துணைத் தலைவராக உள்ள ஓ.பன்னீர்செல்வத்தை நீக்கவிட்டு அவருக்கு மாற்றாக ஆர்.பி.உதயக்குமாரை அதிமுக சார்பாக தேர்வு செய்து ஏற்கனவே சபாநாயகர் அப்பாவுவை நேரில் சந்தித்தும் கடிதம் வழங்கியுள்ளனர். இதனால், ஓ.பன்னீர்செல்வத்திற்கு இருக்கை எங்கு ஒதுக்கப்படும் என்ற கேள்வியும் எழுந்துள்ளது. இப்படி பரபரப்பான அரசியல் சூழலில் நாளை காலை கூடுகிறது தமிழ்நாடு சட்டபேரவைக் கூட்டம் எத்தனை நாள்கள் நடைபெறும் எனவும் நாளை மாலை தெரியவரும்.

இதையும் படிங்க:அரசு ஊழியர்கள், ஆசிரியர்களுக்கு திமுக தேர்தல் அறிக்கையில் சொன்னதை செய்யவில்லை: தொடக்கப்பள்ளி ஆசிரியர் கூட்டணி போராட்டம் நடத்த முடிவு!