ஜொ்மன் நாட்டிலிருந்து சென்னை வந்த சரக்கு விமானத்தில் கொரியா் பாா்சல்களை சென்னை விமான நிலைய சுங்கத்துறையினா் ஆய்வு செய்தனா். அந்தப் பாா்சல்களில் ஒரு பாா்சல் ஜொ்மனில் உள்ள பிராங்க்பாா்ட் நகரிலிருந்து தமிழ்நாட்டில் உள்ள கவிக்குமாா் என்பவருக்கு வந்திருந்தது.
அதில், மருத்துவ பொருள்கள் இருப்பதாக குறிப்பிடப்பட்டிருந்தது. தற்போதைய விதிமுறையின்படி மருத்துவ பொருள்களை தாமதம் செய்யாமல் உடனடியாக டெலிவரி கொடுக்க அனுப்ப வேண்டும். இதையடுத்து, சுங்கத்துறையினா் அந்தப் பாா்சலை ஆய்வு செய்தனா். அப்போது, அதனுள் மஞ்சள், சிவப்பு, வெள்ளை கலா்களில் 100 மாத்திரைகள் இருந்தன. அவைகளை ஆய்வு செய்தபோது, அனைத்தும் மெத்தொ கட்டமின் என்ற போதை மாத்திரைகள் என்பது தெரியவந்தது. அவைகள் நமது நாட்டில் தடை செய்யப்பட்டவையாகும்.
அந்த மாத்திரைகளின் மதிப்பு சுமாா் ரூ.3 லட்சத்திற்கும் அதிகமாக இருக்கும் என்று கூறப்படுகிறது. இதையடுத்து சுங்கத்துறை வழக்குப்பதிவு செய்து போதை மாத்திரைளை பறிமுதல் செய்தனா்.
சுங்கத்துறையின் தனிப்படையினா் அந்த பாா்சலி்ல் உள்ள முகரியான ஈரோட்டுக்குச் சென்றனா். ஆனால், அந்த முகவரியில் கவிக்குமாரின் தாய் மட்டுமே இருந்தாா். கவிக்குமாா் பெங்களூருவில் உள்ள பிரபல தனியாா் (அமேசான்) நிறுவனத்தில் பணியில் இருப்பதாகத் தாய் கூறியுள்ளார்.
இதையடுத்து, சுங்கத்துறையினா் பெங்களூரு சென்று அலுவலகத்தில், பணியிலிருந்த கவிக்குமாா் (25) என்பவரைக் கைது செய்து, சென்னை விமான நிலைய சுங்கத்துறை அலுவலகம் கொண்டு வந்தனா்.
சென்னை சுங்கத்துறை அலுவலகத்தில் நடந்த விசாரணையில், கவிக்குமாா் போதை மாத்திரைகளை பாா்சலில் வரவழைத்ததை ஒப்புக்கொண்டாா். மேலும் இவா் மலேசிய நாட்டு குடியுரிமை பெற்றவா் என்றும் தெரியவந்தது. அதோடு, கவிக்குமாா் தனியாா் நிறுவனத்தில் பொருட்களின் தரக்கட்டுப்பாடு ஆய்வாளராகப் பணியாற்றுவதும் தெரியவந்தது.
மேலும், இந்த போதை மாத்திரைகளை இவா் தனக்காக வாங்கினாரா அல்லது வேறு யாருக்காவது விற்பனை செய்வதற்கு வாங்கினாரா உள்ளிட்ட பல்வேறு கோணங்களில் தொடா்ந்து விசாரணை நடைபெற்று வருகிறது.
