மக்கள் நல்வாழ்வுத்துறை இன்று (மே.21) வெளியிட்டுள்ள புள்ளி விவர தகவலில், "தமிழ்நாட்டில் மேலும் 1 லட்சத்து 65 ஆயிரத்து 953 நபர்களுக்கு ஆர்டிபிசிஆர் பரிசோதனை மேற்கொள்ளப்பட்டது. இதன் மூலம் தமிழ்நாட்டில் இருந்த 36 ஆயிரத்து 178 நபர்களுக்கும், வெளி மாநிலங்களில் இருந்து தமிழ்நாட்டிற்கு வந்த 6 நபர்களுக்கும் என, 36 ஆயிரத்து 184 நபர்களுக்கு கரோனா வைரஸ் தொற்று கண்டறியப்பட்டுள்ளது.
தமிழ்நாட்டில் இதுவரை 2 கோடியே 54 லட்சத்து 19 ஆயிரத்து 598 நபர்களுக்கு ஆர்டிபிசிஆர் பரிசோதனை செய்யப்பட்டுள்ளது. அதில் 17 லட்சத்து 70 ஆயிரத்து 988 நபர்கள் கரோனா வைரஸ் தொற்றினால் பாதிக்கப்பட்டிருந்தனர் என்பது கண்டறியப்பட்டது.
அவர்களில் தற்பொழுது மருத்துவமனைகள், தனிமைப்படுத்தும் மையங்களில் 2 லட்சத்து 74 ஆயிரத்து 629 பேர் சிகிச்சை பெற்று வருகின்றனர். மருத்துமனையில் சிகிச்சை பெற்று வந்த நோயாளிகளில் குணமடைந்து 24 ஆயிரத்து 478 பேர் வீட்டிற்கு அனுப்பி வைக்கப்பட்டுள்ளனர். எனவே, குணமடைந்தவர்கள் எண்ணிக்கை 14 லட்சத்து 76 ஆயிரத்து 761 என உயர்ந்துள்ளது.
சிகிச்சை பலனின்றி தனியார் மருத்துவமனையில், 168 நோயாளிகளும், அரசு மருத்துவமனையில் 299 நோயாளிகளும் என, 467 பேர் இறந்தனர். இதைத்தொடர்ந்து, இறந்தவர்கள் எண்ணிக்கை 19 ஆயிரத்து 598 ஆக உயர்ந்துள்ளது.
சென்னையில் கடந்த வாரத்தில் 7 ஆயிரமாக இருந்த கரோனா வைரஸ் தொற்று, தற்போது குறைந்து 5,913 என பதிவாகியுள்ளது. அதே நேரத்தில் இன்று 109 பேர் இறந்தனர். பிற மாவட்டங்களிலும் வைரஸ் தொற்றினால் இறப்பவர்கள் எண்ணிக்கை தொடர்ந்து அதிகரித்து வருகிறது. எந்தவித இணை நோய்களும் இல்லாத 128 பேர் இன்று இறந்தனர்" எனத் தெரிவிக்கப்பட்டுள்ளது.
மாவட்டம் வாரியாக மொத்த பாதிப்பு விவரம்:
சென்னை - 4,68,262
செங்கல்பட்டு - 1,24,672
கோயம்புத்தூர் - 1,31,744
திருவள்ளூர் - 89,681
சேலம் - 55,296
காஞ்சிபுரம் - 55,543
மதுரை - 53,243
கடலூர் - 42,018
திருச்சிராப்பள்ளி - 43,993
திருப்பூர் - 44,000
தூத்துக்குடி - 40,549
திருநெல்வேலி - 38,724
வேலூர் - 37,581
தஞ்சாவூர் - 38,057
ஈரோடு - 40,254
கன்னியாகுமரி - 37,965