சர்ச்சைக்குள்ளாகும் வனிதாவின் திருமணம்

சென்னை: முறையான விவாகரத்து தராமல் வேறு ஒரு திருமணம் செய்ததாக பீட்டர் பால் மீது அவரது மனைவி காவல் துறையினரிடம் புகார் தெரிவித்துள்ளார்.

சென்னை சாலி கிராமத்தை சேர்ந்த பீட்டர் பால் என்பவரை நேற்று ( ஜூன்27) நடிகை வனிதா திருமணம் செய்துகொண்டார். இந்த நிலையில் பீட்டர்பால் மீது அவரின் மனைவி எலிசபெத் ஹெலன், வடபழனி அனைத்து மகளிர் காவல் நிலையத்தில் புகார் அளித்துள்ளார்.

அதில், பீட்டருடன் திருமணமாகி 2 குழந்தைகள் இருக்கிறார்கள். முறையாக விவாகரத்து அளிக்காமல் வேறொரு திருமணம் அவர் செய்துகொண்டதாக தெரிவித்தார்.

மேலும் கருத்து வேறுபாடு காரணமாக பீட்டரும் அவரது மனைவி எலிசபெத்தும் 7 ஆண்டுகளாக பிரிந்து வாழ்ந்து வரும் நிலையில், வனிதாவை பீட்டர் திருமணம் செய்துள்ளார்.

முறையாக விவாகரத்து அளித்த பிறகே வனிதாவை திருமணம் செய்து இருக்கவேண்டும். அதை பின்பற்றாமல் வனிதாவை திருமணம் செய்ததாகவும் எலிசபெத் ஹெலன் புகார் மனுவில் தெரிவித்துள்ளார்.