பூந்தமல்லியில் தொடரும் பைக் திருட்டு.. சிசிடிவி காட்சிகள் கொடுத்தும் கிடப்பில் போடப்படும் புகார்கள்?

பூந்தமல்லியில் இருசக்கர வாகனகள் திருட்டு அதிகரித்து வரும் நிலையில், சிசிடிவி காட்சிகளை கொடுத்தாலும் காவல்துறையினர் புகார் குறித்து விசாரிப்பதில் மெத்தனம் காட்டுவதாக குற்றச்சாட்டு எழுந்துள்ளது.

சென்னை: பூந்தமல்லி மற்றும் அதனைச் சுற்றியுள்ள பகுதிகளில் பல்வேறு மாவட்டங்களில் இருந்து வேலை மற்றும் படிப்புக்காக ஏராளமானோர் அறைகளை வாடகைக்கு எடுத்து தங்கி இருக்கின்றனர். இவர்கள் தங்களின் வாகனங்களை வீட்டிற்கு வெளியே வரிசையாக நிறுத்தி வைப்பது வழக்கம்.

இந்த நிலையில் பூந்தமல்லி பகுதியில் தினந்தோறும் வீட்டிற்கு வெளியே நிறுத்தி வைக்கப்படும் விலை உயர்ந்த சைக்கிள்கள் மற்றும் பைக்குகளை மர்ம நபர்கள் தொடர்ந்து திருடி செல்கின்றனர். இவ்வாறு வாகனங்களை இழக்கும் அதன் உரிமையாளர்கள் காவல் நிலையத்தில் புகார் அளிக்கும்போதெல்லாம், சிசிடிவி காட்சிகளையும் இணைத்தே கொடுக்கின்றனர்.

இருப்பினும், காவல்துறையினர் புகார் குறித்து நடவடிக்கை எடுக்காமல் அலட்சியம் காட்டி வருவதாக பைக்கை இழந்தவர்கள் உள்பட பலரும் குற்றம் சாட்டுகின்றனர். மேலும் நேற்று (நவ 1) பூந்தமல்லியில் விலை உயர்ந்த மோட்டார் சைக்கிளை மர்ம நபர்கள் திருடிச் செல்லும் சிசிடிவி காட்சிகள் வெளியாகி உள்ளது.

இதையும் படிங்க:தினுசு தினுசாக திருடும் திருட்டு கும்பல்... மின்வாரியத்திடம் கைவரிசை!!