சென்னையில் தினமும் 1000க்கும் மேற்பட்டோர் கரோனா தொற்றால் பாதிக்கப்படுகின்றனர். தொற்றால் அதிக பாதிப்பு உள்ள கோடம்பாக்கம், அண்ணா நகர் பகுதிகளில் கிருமிநாசினி தெளிப்பது, மக்களுக்கு முகக்கவசம் வழங்குவது, மருத்துவ முகாம் என மாநகராட்சியும் சுகாதாரத்துறையும் பல்வேறு நடவடிக்கைகளைக் மேற்கொண்டுவருகின்றன.
இந்தப் பரவலை தடுக்கும் ஒரு பகுதியாக முதலில் நோய் தொற்று உறுதி செய்யப்பட்டவர்களின் முழு தெருவையும் கட்டுப்படுத்தப்பட்ட பகுதியாக மாநகராட்சி அறிவித்தது. இது மக்களுக்கு சிரமத்தை ஏற்படுத்தியதால், நோய்த்தொற்று உறுதி செய்யப்பட்டவர்களின் வீட்டை மட்டும் தனிமைப்படுத்தி வருகின்றனர்.
ஒரு தெருவில் மூன்றுக்கும் மேற்பட்ட வீடுகளில் தொற்று இருந்தால் தெருவை தனிமைப்படுத்தி கட்டுப்படுத்தப்பட்ட பகுதியாக மாநகராட்சி அறிவித்துவருகிறது. இந்தப் பகுதிகளில் வெளியில் இருந்து உள்ளே யாரும் போகக்கூடாது, உள்ளே இருப்பவர்கள் வெளியில் செல்லக்கூடாது என்று அறிவுறுத்தப்பட்டது.
அங்கு வாழும் மக்களுக்கு மாநகராட்சித் தன்னார்வலர்கள் அத்தியாவசிய பொருள்களை வாங்கித்தருவார்கள். இதையடுத்து சென்னையில் ஏற்கனவே 188ஆக இருந்த கட்டுப்படுத்தப்பட்ட பகுதிகளின் எண்ணிக்கை தற்போது 81ஆக குறைந்துள்ளது. இதன் மண்டல வரையான கட்டுப்படுத்தப்பட்ட பகுதிகளில் விவரத்தை சென்னை மாநகராட்சி வெளியிட்டுள்ளது. அதன் நிலவரம் பின்வருமாறு...
தண்டையார்பேட்டை - 1
திரு.வி.க நகர் - 9
அம்பத்தூர் - 8