சென்னை: கோவையில் கார் சிலிண்டர் வெடித்த சம்பவத்தில் ஆறு பேரை போலீசார் கைது செய்து சிறையில் அடைத்தனர். இந்த வழக்கு பூந்தமல்லியில் உள்ள தேசிய புலனாய்வு சிறப்பு நீதிமன்றத்தில் இன்று விசாரணைக்கு வரவுள்ள நிலையில், கோவை சிறையிலிருந்து ஆறு பேரும் நேற்று இரவு புழல் சிறைக்கு அழைத்து வரப்பட்டனர்.
இன்று காலை ஆறு பேரையும் பூந்தமல்லியில் உள்ள தேசிய புலனாய்வு சிறப்பு நீதிமன்றத்தில் ஆஜர்ப்படுத்த உள்ள நிலையில், நீதிமன்ற வளாகம் முழுவதும் பலத்த போலீஸ் பாதுகாப்பு போடப்பட்டுள்ளது. நீதிமன்றத்திற்கு செல்லக்கூடிய வாகனங்கள் மற்றும் நபர்கள் அனைவரும் பலத்த சோதனை செய்யப்பட்டு அனுமதிக்கப்படுகின்றனர்.