சென்னை:சென்னையைச் சேர்ந்த மாணவர் வருண், ஒரு நிமிடத்தில் 42 புத்தகங்கள் மற்றும் எழுத்தாளர் பெயரைச் சொல்லி கின்னஸ் சாதனைப் புத்தகத்தில் இடம்பெற்றுள்ளார். இந்த மாணவனின் நினைவாற்றல் திறனைப் பாராட்டும் விதமாக அம்மாணவனை தலைமைச்செயலகத்திற்கு அழைத்து முதலமைச்சர் ஸ்டாலின் வாழ்த்து தெரிவித்தார்.
மேலும் தனியார் தொலைக்காட்சியில் ஒளிபரப்பாகும் குழந்தைகளுக்கான நிகழ்ச்சியில் பங்கேற்று குறவன், குறத்தி மற்றும் தந்தை பெரியார் கதாபாத்திரத்தில் நடித்த சிறுவர்களை முதலமைச்சர் நேரில் அழைத்துப் பாராட்டினார். தந்தை பெரியார் கருத்துகளை சிறுவன் கூறும் வகையில் அமைந்த அந்த நிகழ்ச்சி மக்களிடையே பெரும் ஆதரவைப் பெற்றது. சமூக வலைதளங்களிலும் அதிகமாகப் பகிரப்பட்டது.
முதலைமச்சர் ஸ்டாலினுடன் சந்திப்பு