கரோனா தொற்று தொடர்பாகத் தலைமைச் செயலகத்தில் முதலமைச்சர் எடப்பாடி பழனிசாமி செய்தியாளர்களைச் சந்தித்துப் பேசினார். அப்போது அவர், ”கரோனா தொற்றால் பாதிக்கப்பட்டோரின் எண்ணிக்கை தமிழ்நாட்டில் 50 லிருந்து 67ஆக அதிகரித்துள்ளது. கரோனா அறிகுறி உள்ள 121 பேரின் ஆய்வு முடிவுகள் இன்னும் வரவேண்டியுள்ளது.
கரோனா தொற்றிலிருந்து ஐந்து பேர் குணமாகியுள்ளனர். நேற்றுவரை 50 பேருக்கு கரோனா தொற்று இருந்த நிலையில், தற்போது ஈரோட்டில் 10 பேருக்கும், சென்னையில் 4 பேருக்கும், மதுரையில் 2 பேருக்கும், திருவாரூரில் ஒருவருக்கும் என மொத்தம் புதிதாக 17 பேருக்குப் புதிதாகத் தொற்று உறுதியாகியுள்ளது.