டெல்லி புறப்பட்டு சென்றார் முதலமைச்சர்

ஜி20 மாநாடு தொடர்பாக பிரதமர் மோடி தலைமையில் நடக்கும் ஆலோசனை கூட்டத்தில் பங்கேற்க முதலமைச்சர் மு.க.ஸ்டாலின் இன்று டெல்லி புறப்பட்டு சென்றார்.

சென்னை: ஜி20 அமைப்பின் தலைமை பொறுப்பை இந்தியா ஏற்றுள்ளது. 2023ஆம் ஆண்டு ஜி20 மாநாடு இந்தியாவில் நடைபெற உள்ளது. இந்த மாநாட்டை வெற்றிகரமாக நடத்த மத்திய அரசு திட்டமிட்டு உள்ளது.

இதற்காக அனைத்து கட்சி தலைவர்களின் ஆலோசனை கூட்டத்துக்கு மத்திய அரசு ஏற்பாடு செய்துள்ளது. மத்திய அரசு நாடு முழுவதும் சுமார் 200 கூட்டங்களை நடத்த திட்டமிட்டுள்ளது. எல்லா மாநிலங்களிலும் இந்த கூட்டங்கள் நடத்தப்பட உள்ளன. தமிழகத்தில் சென்னையில் ஜி20 கூட்டம் நடைபெறும் என்று தெரியவந்துள்ளது.

இந்நிலையில், ஜி20 மாநாடு ஆலோசனை கூட்டத்தில் கலந்து கொள்ள முதலமைச்சர் மு.க.ஸ்டாலின் இன்று (டிச.5) டெல்லி புறப்பட்டு சென்றார். ஆலோசனை கூட்டத்தில் பங்கேற்று விட்டு, இன்று இரவே முதலமைச்சர் சென்னை திரும்ப உள்ளார் என தெரிகிறது.

இதையும் படிங்க: குஜராத் தேர்தல்: வாக்களித்தார் பிரதமர் மோடி