'திமுக எப்போதும் மக்களுக்காக குரல் கொடுக்கும்' - முதலமைச்சர் மு.க. ஸ்டாலின்

திமுக ஆட்சியில் இருந்தாலும், இல்லாவிட்டாலும் மக்களுக்காக எப்போதும் குரல் கொடுக்கும் என முதலமைச்சர் மு.க. ஸ்டாலின் அண்ணா அறிவாலயத்தில் பேசியுள்ளார்.

சென்னை: அண்ணா அறிவாலயத்தில் மாற்றுக் கட்சியினர் 3ஆயிரம் பேர் திமுகவில் இணையும் நிகழ்ச்சி நடைபெற்றது.
திமுகவில் இணைந்த மாற்றுக் கட்சியினரை வரவேற்று முதலமைச்சர் மு.க. ஸ்டாலின் உரையாற்றினார். அப்போது பேசிய ஸ்டாலின், “பல்வேறு கட்சிகளில் இருந்து திமுகவில் புதிதாக இணைந்தவர்களை வரவேற்கிறேன்.

திமுகவில் இணைந்த மாற்று கட்சியினர்

திராவிட முன்னேற்றக் கழகத்தின் வரலாறு என்பது 73 ஆண்டுகாலம். இன்னும் 2 ஆண்டில் 75ஆம் ஆண்டு விழாவை நாம் கொண்டாட இருக்கிறோம். திமுக தமிழ்நாட்டில் ஆட்சியில் இருந்தாலும்; இல்லை என்றாலும் தமிழர்களுக்காக தமிழ்நாட்டிற்காகத் தொடர்ந்து குரல் கொடுத்துக்கொண்டிருக்கும்.

முதலமைச்சர் பேச்சு

10 ஆண்டுகள் - 20 ஆண்டுகள் ஆட்சியில் இருந்திருந்தால் என்ன செய்திருப்போமோ, அதை விடப் பலமடங்கு சாதனையை இந்த ஓராண்டு காலத்தில் நாம் செய்திருக்கிறோம். கடந்தாண்டு இதே நாளில் தான் திமுக வெற்றி பெற்றது” எனத் தெரிவித்தார்.

இதையும் படிங்க:என் தந்தையை பாஜகவினர் ஏமாற்றிவிட்டனர்- உத்தவ் தாக்கரே!