தமிழ்நாட்டில் தென்மேற்குப் பருவ மழை முடிவடைய இன்னும் 10 நாட்களே உள்ளன. அக்டோபர் முதல் டிசம்பர் வரை வடகிழக்குப் பருவமழை காலமாகும். கடந்த 2015ஆம் ஆண்டு வடகிழக்குப் பருவ மழையின்போது வடகடலோர மாவட்டங்களில் அதிக அளவில் மழைப்பொழிவு ஏற்பட்டதால், சென்னையும் புறநகர் பகுதிகளும் வெள்ளத்தில் மிதந்தன. 2016ஆம் ஆண்டு வீசிய வர்தா புயலும் சென்னை உள்ளிட்ட பகுதிகளில் கடும் பாதிப்பை ஏற்படுத்தின.
முதலமைச்சர் தலைமையில் ஆலோசனை
இந்த ஆண்டு தென்மேற்குப் பருவமழை காலத்திலேயே சென்னை உள்ளிட்ட வடமாவட்டங்களிலும் அதிக அளவில் மழை பெய்துள்ளது. இதனால், நிலத்தடி நீர்மட்டமும் அதிகரித்துள்ளது. இந்நிலையில், வடகிழக்குப் பருவமழையை எதிர்கொள்வதற்கான முன்னெச்சரிக்கை நடவடிக்கைகளை அரசு தொடர்ந்து எடுத்து வருகிறது.