சென்னை: சென்னை தீவுத்திடலில் ஆண்டுதோறும் சுற்றுலா மற்றும் தொழில் பொருட்காட்சி நடைபெறும். இதில், சிறியவர்கள் முதல் பெரியவர்கள் வரை அனைவரையும் கவரும் வகையில் பல்வேறு பொழுதுபோக்கு அம்சங்கள் இடம்பெறும். கரோனா பரவல் காரணமாக கடந்த இரண்டு ஆண்டுகளாக தீவுத்திடல் பொருட்காட்சி நடைபெறவில்லை.
இந்த நிலையில், இந்த ஆண்டுக்கான சுற்றுலா மற்றும் தொழில் பொருட்காட்சி, வரும் 30ஆம் தேதி தொடங்கவுள்ளதாக தமிழ்நாடு சுற்றுலாத்துறை தெரிவித்துள்ளது. இந்த 47ஆவது சுற்றுலா மற்றும் தொழில் பொருட்காட்சியில், ராட்டினங்கள், பொருட்கள் வாங்கும் கடைகள், உணவகங்கள் என ஏராளமானவை இடம் பெறவுள்ளன.