தமிழ்நாட்டில் பிற மாவட்டங்களில் கரோனா பாதிப்பு குறைவாகக் காணப்பட்டாலும், சென்னையில் மட்டும் அதிதீவிரமாக இருக்கிறது. அதன் பரவலைக் கட்டுக்குள் கொண்டுவர மாநகராட்சி நிர்வாகம் பல்வேறு நடவடிக்கைகளைக் கையாண்டு வருகிறது. சென்னையில் மட்டும் கரோனா தொற்று பாதித்தவர்களின் எண்ணிக்கை 906ஆக உள்ளது.
இதனால் சென்னை முழுவதும் கரோனா பாதிக்கப்பட்ட சுமார் 202 தெருக்களை தனிமைப்படுத்தபட்ட பகுதிகளாக அறிவித்து, காவல் துறையினர் பாதுகாப்பு வளையத்திற்குள் கொண்டுவந்துள்ளனர். அந்தத் தெருக்களில் வசிக்கும் பொதுமக்களுக்கு, தகுந்த இடைவெளி குறித்த விழிப்புணர்வு மேற்கொண்டு வருகின்றனர். இதனால் காவலர்களுக்கு கரோனா தொற்று ஏற்பட வாய்ப்பு உள்ளது. அதனைத் தவிர்க்கும் வகையில் காவல் துறை சார்பாக ரோபோ தாட்ஸ் என்ற நிறுவனம் ரோபோ இயந்திரம் ஒன்றை தயார் செய்துள்ளது.
தெருவுக்கு வெளியிலிருந்து ரோபோவை இயக்கும் காவலர்கள்