மலேசியாவிலிருந்து சென்னை வந்த பயணி ஒருவர் மீது சந்தேகமடைந்த சுங்க அலுவலர்கள் அவரை விசாரித்துள்ளனர். அப்போது, அவர் முன்னுக்குப்பின் முரணாகப் பதிலளித்ததால் உடமைகளைச் சோதனை செய்தனர்.
தொடர்ந்து, அவர் வைத்திருந்த ஐந்து கையடக்க வானொலிகளை (ரேடியோ) பிரித்துப் பார்த்தபோது அதில் 235 கிராம் எடைகொண்ட தங்கக்கட்டிகள் மறைத்து வைக்கப்பட்டிருப்பதை கண்டுபிடித்தனர். சுமார் ஒன்பது லட்சத்து 26 ஆயிரம் ரூபாய் மதிப்புள்ள இந்தத் தங்கக் கட்டிகளைக் கைப்பற்றிய சுங்க அலுவலர்கள் அதனைக் கடத்திவந்த சென்னையைச் சேர்ந்த முகமது யூசப்பை (29) கைது செய்தனர்.
இதன்மூலம், நேற்று ஒரேநாளில் 24 லட்சத்து 46 ஆயிரம் ரூபாய் மதிப்புள்ள 620 கிராம் எடைகொண்ட தங்கத்தை சுங்கத் துறையினர் கைப்பற்றியுள்ளனர். மேலும், கடத்தல் குறித்து தொடர்ந்து விசாரணை மேற்கொண்டுவருகின்றனர்.
இதையும் படிங்க: Trichy Gold Heist : லலிதா ஜுவல்லரியில் கொள்ளை: வடமாநில இளைஞர்கள் 5 பேரிடம் விசாரணை