தமிழ்நாட்டில் ஊரடங்கு நீட்டிக்கப்பட்டபோதிலும், கரோனா பெருந்தொற்றின் தாக்கம் குறையாமல் அதிகரித்துக்கொண்டேயிருக்கிறது. குறிப்பாக, சென்னையில் கரோனா பெருந்தொற்று பரவல் தீவிரமடைந்து, பாதிக்கப்பட்டோரின் எண்ணிக்கை கிடுகிடுவென உயர்ந்து வருகிறது. இதுவரை, சென்னையில் கரோனாவால் பாதிக்கப்பட்டவர்களின் எண்ணிக்கை 3 ஆயிரத்தைக் கடந்து அதிர்ச்சியை ஏற்படுத்துகிறது.
இந்நிலையில், கரோனா பெருந்தொற்று பரவலைத் தடுக்க கிருமிநாசினி தெளிப்பது, விழிப்புணர்வு ஏற்படுத்துவது போன்ற செயல்களில் மாநகராட்சி நிர்வாகம் முனைப்பாக ஈடுபட்டு வருகிறது. கரோனா பெருந்தொற்று உறுதி செய்யப்பட்டவர்களின் வீடு அமைந்திருக்கும் தெருக்களை, 'கட்டுப்படுத்தப்பட்ட பகுதிகள்' என மாநகராட்சி அறிவித்து, அதனைத் தடுப்புகள் அமைத்து மூடியுள்ளது. அதன்படி, மாநகரில் இதுவரை 513 கட்டுப்படுத்தப்பட்ட பகுதிகள் உள்ளதாக சென்னை மாநகராட்சி அறிவித்துள்ளது.