அரசுப் பேருந்து வழித்தடத்தை தனியார் பேருந்துக்கு அனுமதி அளிக்கக்கூடாது, அரசே நிதி உதவி செய்து பேருந்துகளை இயக்க வேண்டும், மின்சாரப் பேருந்து என்று பேருந்துகளை தனியார்மயமாக்கக் கூடாது உள்ளிட்ட ஐந்து அம்ச கோரிக்கைகளை வலியுறுத்தி பல்வேறு அரசுப் பேருந்து சங்கங்களின் சார்பாக சென்னை பல்லவன் இல்லம் முன்பு ஆர்ப்பாட்டம் நடைபெற்றது. இதில் 200-க்கும் அதிகமான அரசுப் பேருந்து ஓட்டுநர், நடத்துநர்கள் பங்கேற்றனர்.
போக்குவரத்து சங்கங்கள் இணைந்து போராட்டம்
இது குறித்து தொமுச பொதுச்செயலாளர் நடராஜன் பேசுகையில், தமிழ்நாடு அரசுப் போக்குவரத்துக் கழகம் 525 பேட்டரி பேருந்துகளை இயக்க அனுமதி அளித்துள்ளது. இந்தப் பேருந்துகளை இயக்குவது உள்ளிட்ட அனைத்து பொறுப்புகளும் தனியாரிடம் அளிக்கப்பட்டுள்ளது. அதிமுக அரசு தொடர்ந்து போக்குவரத்துக் கழகத்தை தனியார்மயமாக்க முயற்சி செய்துவருகிறது.