சென்னை:இந்திய திரை நட்சத்திரங்கள் பங்கேற்கும் செலிபிரிட்டி கிரிக்கெட் லீக் (Celebrity Cricket League) தொடர் ஒவ்வொரு ஆண்டும் நடத்தப்படுகிறது. கரோனா தொற்றால் 3 ஆண்டுகளாக நடைபெறாமல் இருந்தது. இந்தாண்டு மீண்டும் நடைபெறுகிறது. இந்த தொடரில் 8 மாநிலங்களை சேர்ந்த திரை நட்சத்திரங்கள் பங்கேற்கின்றனர்.
சென்னை ரைனோஸ், மும்பை ஹீரோஸ், கர்நாடகா புல்டோசர்ஸ், தெலுங்கு வாரியர்ஸ், போஜ்புரி தபாங்ஸ், பெங்கால் டைகர்ஸ், கேரளா ஸ்டிரைக்கர்ஸ், பஞ்சாப் தி ஷெர் ஆகிய 8 அணிகள் பங்கேற்கின்றன. சென்னை அணிக்கு ஆர்யா கேப்டனாக உள்ளார். இந்த அணியில் ஜீவா, விஷ்ணு விஷால், பரத், விக்ராந்த், பால சரவணன், பிரித்வி உள்ளிட்டோர் இடம்பெற்றுள்ளனர்.