சென்னை: பள்ளிக்கரணையை சேர்ந்தவர், அருண்குமார் (34). இவர் தனது குடும்பத்தாருடன் காரில் தூத்துக்குடியில் நடைபெற்ற திருமணத்திற்குச் சென்று விட்டு, இன்று (நவ 3) காலை சென்னை திரும்பியுள்ளார். இந்த நிலையில் தாம்பரம்-வேளச்சேரி பிரதான சாலையில் பள்ளிக்கரணைக்கு அருகில் கார் சென்று கொண்டிருந்தது.
அப்போது வேங்கைவாசல் சந்தோஷபுரம் சிக்னல் அருகே காரின் முன் பகுதியில் இருந்து திடீரென புகை வரத் தொடங்கி உள்ளது. இதனால் காரை நடுரோட்டிலேயே நிறுத்திவிட்டு, காரில் இருந்த ஆறு பேரும் கீழே இறங்கி உள்ளனர். இதனையடுத்து கார் திடீரென தீப்பிடித்து முழுவதுமாக எரியத் தொடங்கியுள்ளது.
சென்னை தாம்பரத்தில் நடுரோட்டில் பற்றி எரிந்த கார்