சாலையோரம் நிறுத்தி வைக்கப்பட்டிருந்த இருசக்கர வாகனம் திருட்டு

கோவையில் சாலையோரம் நிறுத்தி வைக்கப்பட்டிருந்த இருசக்கர வாகனம் திருடிய நபரை காவல் துறையினர் தேடி வருகின்றனர்.

கோவை: வெள்ளலூர் பகுதியை சேர்ந்த துரைராஜ் தமிழ்நாடு அரசு போக்குவரத்து கழகத்தில் ஓட்டுநராக பணியாற்றி வருகிறார். இவர் கடந்த 20 ஆம் தேதி பணி முடிந்து திரும்ப நள்ளிரவு ஆனதால், சிங்காநல்லூர் தனியார் விடுதியில் அறை எடுத்து தங்கியுள்ளார்.

அவர் தனது இருசக்கர வாகனத்தையும் விடுதி முன்பே நிறுத்திவிட்டுச் சென்றார். காலையில் அறையை காலி செய்துவிட்டு வாகனம் நிறுத்திய இடத்திற்கு சென்று பார்த்தபோது, இருசக்கர வாகனம் திருடுபோனது தெரியவந்தது.

இது தொடர்பாக சிங்காநல்லூர் காவல் நிலையத்தில் துரைராஜ் புகாரளித்தார். அதன் பேரில் வழக்கு பதிவு செய்த காவல் துறையினர் விடுதி முன்பு பொருத்தப்பட்டிருந்த சிசிடிவி காட்சிகளை ஆய்வு செய்தனர்.

அதில் இரவு 1.45 மணிக்கு அவ்வழியாக வந்த அடையாளம் தெரியாத நபர் இருசக்கர வாகனத்தின் பூட்டை உடைத்து திருடி சென்ற காட்சிகள் பதிவாகியிருந்தது. அதன் அடிப்படையில் இருசக்கர வாகனம் திருடிய நபரை காவல் துறையினர் தேடி வருகின்றனர்.

இதையும் படிங்க:கார் ஓட்டும்போது மாரடைப்பு - உயிரிழந்த ஓட்டுநர்