வரும் சட்டப்பேரவையில் பாஜக பெரும்பான்மை இடங்களைப் பிடிக்கும் - எல். முருகன் நம்பிக்கை!

சென்னை: வரும் தேர்தலில் எங்களுடைய எம்எல்ஏக்கள் பெரும்பான்மையானோர் சட்டப்பேரவையில் அமர்வார்கள் என்று பாஜக மாநிலத் தலைவர் எல். முருகன் நம்பிக்கைத் தெரிவித்துள்ளார்.

சென்னை அயனாவரத்தில் பிரதமர் நரேந்திர மோடியின் 70ஆவது பிறந்த நாளை முன்னிட்டு பாஜக சார்பில் கலை நிகழ்ச்சிகள், நலத்திட்ட உதவிகள் வழங்கும் நிகழ்ச்சி நடைபெற்றது. இதில் பாஜக மாநிலத் தலைவர் எல். முருகன் கலந்துகொண்டு நிகழ்ச்சியை தொடங்கிவைத்தார்.

பின்னர் செய்தியாளர்களைச் சந்தித்த பாஜக மாநிலத் தலைவர் முருகன், “பிரதமர் நரேந்திர மோடியின் பிறந்த நாள் தினத்தை முன்னிட்டு சேவை வாரமாக ஏழு நாட்கள் தொடர்ந்து தமிழ்நாடு முழுவதும் கொண்டாடப்பட்டு வருகிறது. அதில் ஏழை, எளிய மக்களுக்கு நலத்திட்ட உதவிகள் போன்றவற்றை செய்துவருகிறோம். கரோனா காலத்தில் ஒரு கோடி மக்களுக்கு தமிழ்நாடு பாஜக சார்பில் உணவு பொட்டலங்கள் வழங்கப்பட்டுள்ளது.

30 லட்சம் மக்களுக்கு மோடி கிட் வழங்கப்பட்டுள்ளது. பல்வேறு தரப்பட்ட பொதுமக்கள், இளைஞர்கள் ஆகியோர்கள் பாஜகவிற்கு பேராதரவு கொடுத்து வருகிறார்கள். வரும் தேர்தலில் எங்களுடைய எம்எல்ஏக்கள் பெரும்பான்மையானோர் சட்டப்பேரவையில் அமர்வார்கள்” எனத் தெரிவித்தார்.

இதையும் படிங்க...ஹர்சிம்ரத் கவுர் பாதல் ராஜினாமாவை ஏற்ற குடியரசுத் தலைவர்!