கேல் ரத்னா விருது பெறும் வீரர் மாரியப்பனுக்கு எல். முருகன் பாராட்டு!

சென்னை: கேல் ரத்னா விருது பெறவுள்ள தமிழ்நாடு வீரர் மாரியப்பனுக்கு பாஜக மாநிலத் தலைவர் முருகன் பாராட்டுத் தெரிவித்துள்ளார்.

தமிழ்நாட்டைச் சேர்ந்த மாரியப்பனுக்கு கேல் ரத்னா விருது வழங்கப்பட உள்ளது. இதை முன்னிட்டு பாஜக மாநிலத் தலைவர் முருகன் அறிக்கை ஒன்றை வெளியிட்டுள்ளார்.

அதில், விளையாட்டு வீரர்களுக்கு வழங்கப்படும் மிக உயர்ந்த விருதான கேல் ரத்னா விருதானது, 2016ஆம் ஆண்டில் ரியோவில் நடந்த பாரா ஒலிம்பிக்கில் உயரம் தாண்டுதலில் தங்கப்பதக்கம் வென்ற தமிழ்நாட்டைச் சேர்ந்த வீரர் மாரியப்பன் தங்கவேலுக்கு வழங்க பரிந்துரைக்கப்பட்டுள்ளது மிக்க மகிழ்ச்சியைத் தருகிறது.

வீரர் மாரியப்பன் தங்கவேலுக்கும், அவர்தம் குடும்பத்தினருக்கும் எனது சார்பிலும், தமிழ்நாடு பாஜக தொண்டர்கள், தலைவர்கள் சார்பிலும் மனமார்ந்த பாராட்டுகளைத் தெரிவித்துக்கொள்கிறேன்.

தமிழையும், தமிழர்களையும் கௌரவப்படுத்தும் நமது பிரதமர் நரேந்திர மோடிக்கும், விளையாட்டுத் துறை அமைச்சகத்திற்கும் இந்நேரத்தில் நம் மனமார்ந்த நன்றியினையும் தெரிவித்துக்கொள்கிறேன்.

பாஜக மாநிலத் தலைவர் முருகன் பாராட்டு

மாரியப்பனோடு, இதே விருதிற்குப் பரிந்துரைக்கப்பட்டுள்ள இதர இந்திய வீரர்கள் அனைவருக்கும் எனது பாராட்டுகளைத் தெரிவித்துக்கொள்கிறேன்" எனக் குறிப்பிட்டிருந்தார்.

இதையும் படிங்க... மாரியப்பன் தங்கவேலுவிற்கு கேல் ரத்னா விருது - கேக் வெட்டி கொண்டாடிய கிராம மக்கள்!