மெரினாவில் பைக் ரேஸ்; வாகனங்கள் பறிமுதல்

சென்னை: மெரினாவில் நள்ளிரவில் பைக் ரேஸில் ஈடுபட்ட 6 பேரிடம் காவல்துறையினர் விசாரணை செய்து வருகின்றனர்.

சென்னை மெரினா ராதாகிருஷ்ணன் சாலை அருகே நேற்று நள்ளிரவு காவல்துறையினர் வழக்கம் போல் வாகன சோதனையில் ஈடுபட்டிருந்தனர். அப்போது, அந்த சாலையின் வழியாக வந்த இளைஞர்கள் சிலர், தங்களது பைக்குகளை அதிகவேகமாக ஓட்டி பைக் ரேஸில் ஈடுபட்டனர்.

இதைத் தெரிந்து கொண்ட மெரினா காவல்துறையினர் பேரி கார்டுகளை வைத்து அதிவேகமாக வந்த 6 நபர்களையும் அவர்களது வாகனங்களை பறிமுதல் செய்தனர். மேலும், இந்த சம்பவம் குறித்து மெரினா காவல்துறையினர் வழக்குப்பதிவு செய்து விசாரணை நடத்தி வருகின்றனர்.