சிஆர்பிஎப் வீரர்கள் இடையே மோதல்; 6 குண்டுகளைத் தலையில் வாங்கி வீரர் உயிரிழப்பு

சென்னை: ஆவடி அருகே உள்ள கனரக வாகன தொழிற்சாலையில் நடைபெற்ற துப்பாக்கிச் சூட்டில் வீரர் ஒருவர் கொடூரமாகச் சுட்டுக் கொல்லப்பட்டுள்ளார்.

சென்னையை அடுத்த ஆவடி அருகே கனரக வாகன தொழிற்சாலை (HVF) செயல்பட்டு வருகிறது. இங்கு நேற்றிரவு பாதுகாப்புப் பணியில் ஈடுபட்டிருந்த இமாச்சலப் பிரதேசத்தைச் சேர்ந்த சிஆர்பிஎப் வீரர் கிரிஜேஷ்குமார் (48) என்பவரை விடுவிப்பதற்காக திரிபுரா மாநிலத்தைச் சேர்ந்த சின்ஹா என்ற வீரர் வந்துள்ளார்.

அப்போது, இரு வீரர்களுக்கும் இடையே ஏற்பட்ட மோதலில், தனது துப்பாக்கியைக் கொண்டு சின்ஹா சுட்டதில், தலையில் ஆறு குண்டுகள் பாய்ந்து கிரிஜேஷ்குமார் சம்பவ இடத்திலேயே உயிரிழந்தார்.

இந்தத் தகவலறிந்து சம்பவ இடத்திற்கு விரைந்த காவல் துறையினர், கிரிஜேஷ்குமாரின் உடலைக் கைப்பற்றி அரசு மருத்துவமனைக்கு உடற் கூறாய்வுக்காக அனுப்பி வைத்தனர்.

மேலும், இதுதொடர்பாக டேங்க் பேக்டரி காவல் துறையினர் வழக்குப்பதிவு செய்து தீவிர விசாரணை மேற்கொண்டு வருகின்றனர்.

இதையும் படிங்க: கஞ்சா... துப்பாக்கிச் சூடு... சகோதரன் காலி...! - கிடுக்குப்பிடி விசாரணையில் சிக்கிய இளைய சகோதரர்