மேஷம் ராசிக்கு புத்தாண்டு பலன் 2024; நீண்ட நாளாக மனதில் அடக்கி வைத்திருந்த ஆசை நிறைவேறும்!

Aries New Year Rasipalan: 2024ஆம் ஆண்டில் மேஷ ராசிக்காரர்களுக்கான பலன் குறித்து பார்க்கலாம்.

சென்னை:மேஷ ராசிக்காரர்களே, இந்த ஆண்டு மிகவும் சுறுசுறுப்பாக செயல்படுவீர்கள். இந்த ஆண்டின் தொடக்கத்தில், வியாழன் உங்கள் ராசியிலும், சனிபகவான் பதினொன்றாம் வீட்டிலும் இருக்கிறார்கள். எனவே உங்கள் வருமானம் நன்றாக இருக்கும். தனிப்பட்ட வாழ்க்கையிலும், தொழில் வாழ்க்கையிலும் சரியான தேர்வுகளை மேற்கொள்வது உங்கள் வாழ்க்கையில் முன்னேற்றத்தை ஏற்படுத்தும்.

நாளுக்கு நாள் வருமானமும் அதிகரிக்கும். இருப்பினும் எதிலும் அதிநம்பிக்கையுடன் கண்மூடித் தனமாகச் செயல்படாதீர்கள், கவனமாக இருக்க வேண்டும். பன்னிரண்டாம் வீட்டில் இருக்கும் ராகு தொடர்ந்து பிரச்சினைகளை ஏற்படுத்தினாலும், அரசாங்கம் உங்களுக்கு ஆதரவாக இருக்கும். உடல் ஆரோக்கியத்தில் கவனமாக இருக்க வேண்டும்.

உடல்நிலையில் அக்கறையின்றி இருந்தால், மருத்துவமனைக்குச் செல்ல நேரிடலாம். தேவையற்ற செலவுகளைத் தவிர்ப்பதில் கவனம் கொள்ள வேண்டும். இல்லையெனில் உங்களுக்குச் சிக்கல்கள் ஏற்படலாம். இந்த ஆண்டு, வெளிநாட்டுப் பயணம் பற்றிய கனவை நனவாக்கலாம். நீண்ட நாட்களாக மனதில் அடக்கி வைத்திருந்த ஆசைகளை நிறைவேற்றிக்கொள்வீர்கள்.

இதனால் மகிழ்ச்சி அதிகரிக்கும். முடிக்கப்படாத திட்டங்கள் அனைத்தும் இந்த ஆண்டு முடிவடையும். காதலிப்பவர்களுக்கு நல்லதொரு திருமணச் செய்தி வரும். திருமணமானவர்களுக்கு, இந்த ஆண்டு அவர்களின் குடும்ப வாழ்க்கை சாதகமாக இருக்கும். மற்றவை உங்கள் விருப்பம்போல சிறப்பாக அமையும்.