சென்னை: சென்னை சேப்பாக்கம் எம்.ஏ.சிதம்பரம் மைதானத்தில், நாளை ஆப்கானிஸ்தான் – பாகிஸ்தான் அணிக்கு இடைய 22-ஆவது உலகக் கோப்பை லீக் போட்டி நடைபெறுகிறது. இதற்காக நாளை (அக்.23) மட்டும் மெட்ரோ ரயில் சேவையானது நீடிக்கபட்டுள்ளாதாக சென்னை மெட்ரோ ரயில் நிறுவனம் தெரிவித்துள்ளது.
இது குறித்து மெட்ரோ ரயில் நிர்வாகம் சார்பில் வெளியிட்டுள்ள அறிவிப்பில், “சென்னை சேப்பாக்கம் மைதானத்தில் ஆப்கானிஸ்தான் - பாகிஸ்தான் இடையிலான உலகக் கோப்பை கிரிக்கெட் போட்டி நாளை (அக்.23) நடைபெறவுள்ளது. இதற்காக, சென்னை மெட்ரோ ரயிலில் பயணிக்கும் கிரிக்கெட் ரசிகர்களுக்கான பயண போக்குவரத்து செலவினத் தொகையைத் தமிழ்நாடு கிரிக்கெட் சங்கம் ஏற்றுள்ளது. என சென்னை மெட்ரோ ரயில் நிறுவனம் தெரிவித்துள்ளது.
இதையும் படிங்க:India Vs New Zealand : நியூசிலாந்து அணி நிதான ஆட்டம்!
நாளை நடைபெறும், போட்டியை பாா்த்துவிட்டு திரும்பும் ரசிகர்களின் வசதிக்காக மெட்ரோ ரயில் சேவை வழக்கத்தைவிடக் கூடுதலாக ஒரு மணி நேரம் இரவு 12 மணி வரை நீட்டிக்கப்பட்டுள்ளது. மேலும், சென்னை சென்ட்ரலில் இருந்து பரங்கிமலைக்கு இரவு 11 முதல் 12 மணி வரை 15 நிமிஷங்களுக்கு ஒரு ரயில் இயக்கப்படும். சென்ட்ரலில் இருந்து விமான நிலையத்துக்கு மெட்ரோ ரயில் சேவை இயக்கப்படாது.