சென்னை:ஏர் இந்தியா நிறுவனம் சென்னை - டெல்லி இடையிலான பயணிக்கும் பயணிகள் எண்ணிக்கை அதிகரித்திருப்பதால் புதிதாக சென்னை - டெல்லி இடையே 4 விமான சேவைகளை ஜன.2 முதல் துவங்கியுள்ளது. சென்னை உள்நாட்டு விமான நிலையத்தில் இருந்து தினமும் காலை 7:50 மணிக்கும், மாலை 3:40 மணிக்கும் 2 இரண்டு விமானங்கள் சென்னை - டெல்லி இடையே புதிதாக இயக்கப்படுகின்றன.
அதேபோல் டெல்லி - சென்னை இடையே பிற்பகல் 2:45 மணி, இரவு 10:35 மணி ஆகிய நேரங்களில் இரண்டு புதிய விமானங்கள் இயக்கப்படுகின்றன. சென்னையில் இருந்து டெல்லி சென்று வரும் பயணிகளின் வசதிக்காக, ஏர் இந்தியா நிறுவனம் புத்தாண்டு பரிசாக ஒரே நாளில் 4 புதிய விமான சேவைகளை நேற்றிலிருந்து இயக்கத் தொடங்கியுள்ளது.