சென்னை: தமிழ் சினிமாவில் முன்னணி நடிகராக வலம் வருபவர் நடிகர் ஜெயம் ரவி. இவரது நடிப்பில் பொன்னியின் செல்வன் இரண்டு பாகங்கள் வெளியாகி மிகப் பெரிய வெற்றியை பெற்றது. இதில் அருள்மொழி வர்மனாக ஜெயம் ரவி பிரமாதமாக நடித்திருந்தார். கடைசியாக இவரது நடிப்பில் அகிலன் திரைப்படம் வெளியானது. இந்த நிலையில் ஜெயம் ரவி இன்று தனது 43வது பிறந்த நாளை கொண்டாடினார்.
இந்நிலையில், “ஹோம் முவி மேக்கர்ஸ்” நிறுவனம் சுஜாதா விஜயகுமார் தயாரிப்பில், ஆன்டனி பாக்யராஜ் இயக்கத்தில், நடிகர் ஜெயம் ரவி நடிப்பில் உருவாகும் சைரன் திரைப்படத்தின் புதிய போஸ்டர் மற்றும் க்ளிம்ஸ் விடியோ வெளியாகியுள்ளது. இப்படத்தின் மூலம் இயக்குநராக அறிமுகமாகிறார் ஆன்டனி பாக்யராஜ். இவர் இரும்புத்திரை, விஸ்வாசம், ஹீரோ உள்ளிட்ட படங்களில் எழுத்தாளராக பணியாற்றி உள்ளார். மிகப்பிரமாண்ட பொருட்செலவில், குடும்ப அம்சங்கள் நிறைந்த, ஆக்சன் திரில்லராக இப்படம் உருவாகிறது.
இதையும் படிங்க:‘நிதி இல்லை என்பதால் தான் நடிகர் சங்க கட்டடம் கட்ட முடியவில்லை’ - தென்னிந்திய நடிகர் சங்கம்!