சென்னை மெரினா கடற்கரை அருகே உள்ள தமிழ்நாடு சாரண, சாரணியர் தலைமை அலுவலகத்தில் அமைச்சர் செங்கோட்டையன் தேதிய கொடியை ஏற்றி வைத்தார். இதில் தமிழ்நாடு சாரண, சாரணியர் அலுவலகர்கள் பங்கேற்றனர்.
சென்னை பள்ளி கல்வி இயக்கத்தின் அலுவலகத்தில் அதன் இயக்குனர் கண்ணப்பன் தேசிய கொடியை ஏற்றி வைத்தார். இதில் அரசு உயர் அலுவலர்கள் பங்கேற்றனர்.
அதே போன்று தமிழ்நாடு டாக்டர் எம்ஜிஆர் மருத்துவப் பல்கலைக்கழகத்தில், 74ஆவது சுதந்திர தின விழாவை முன்னிட்டு, பல்கலைக்கழகத்தின் துணைவேந்தர் மரு. சுதா சேஷய்யன் தேசிய கொடியை ஏற்றி வைத்து, மரியாதை செலுத்தி, சுதந்திர தின உரையாற்றி, பங்கேற்றவர்களுக்கு இனிப்புகளை வழங்கினார். இவ்விழாவில் இந்தியன் ஓவர்சிஸ் வங்கியின் சென்னை மண்டல மேலாளர் ஹிமான் சு பூசன் பாண்டா சிறப்பு விருந்தினராக பங்கேற்று சிறப்புரையாற்றினார். இந்நிகழ்வில் பல்கலைக்கழக பதிவாளர் மரு.ம.பா. அஸ்வத் நாராயணன், பல்கலைக்கழக அலுவலர்கள், பணியாளர்கள் கலந்து கொண்டனர் .
இடைநிலை கல்வி அலுவலகத்தில் மாநில திட்ட இயக்குநர் (பொறுப்பு) வெங்கடேஷ் தேசியக் கொடியை ஏற்றி வைத்து மரியாதை செலுத்தினார்.
இதையும் படிங்க...அமெரிக்கா டூ துளசேந்திரபுரம்; கமலா ஹாரிசின் வேர்களை நோக்கிய பயணம் இது!